Plantun de Prouvènço

Pèr coumpara dos planto d'encò nostre

Paris quadrifolia & Vinca major

Paris quadrifolia

Melanthiaceae Trilliaceae

Noms en français : Parisette, Raisin-de-renard.

Descripcioun :
Es uno planto eisado de recounèisse emé si 4 fueio verticilado qu'entournon la flour verdo o pu tard lou fru blavet. Au nostre s'atrobo soulamen dins li bos dis Aup.

Usanço :
Lou fru èi forço empouisounant, sufis de 2 à 3 pèr agué de gràvi proublèmo. Servié à passa tèms pèr empouisouna li reinard (rasin-de-reinard).

Port : Erbo
Taio : Pancaro entresigna
Fueio : verticilado
Tipe bioulougico : Pancaro entresigna
Cicle bioulougico : Pancaro entresigna

Gènre : Paris
Famiho : Melanthiaceae
Famiho classico : Trilliaceae

Coulour de la flour : Verdo
Petalo : >6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco :

Liò : Basso mountagno
Estànci : Pancaro entresigna
Couroulougi : Pancaro entresigna
Ref. sc. : Paris quadrifolia L., 1753

Pervènco

Vinca major

Apocynaceae

Àutri noum : Pervinco, Prouvençalo, Piéucelage.

Nom en français : Grande pervenche.

Descripcioun :
Pervènco di gràndi flour bluio, emé de fueio largo de mai de 3 cm, un pau en formo de cor. Li sepalo soun longo e cihado. S'atrobo en ribo d'aigo (ripilsivo) mai peréu dins li baragno e tóuti li relarg un pau fres. Souvènt cultivado, se pòu naturalisa proche dis oustau.

Usanço :
Emai siegue vertuouso, touto la planto es empouisounanto, e pèr acò la fau emplega emé forço avisamen. Di fueio èi tirado de la vincamino qu'èi bono pèr la circulacioun dóu sang e l'óussigenacioun di tarnavello en raport emé lou destrachimen ; s'emplego peréu pèr sougna li léucemìo. La pervènco èi pourtado coume ensigne pèr li mantenèire dóu Felibrige (vèire çai-contro).